شاهد اهم عبارات وحكم التكاتك ٢٠٢٤
هدير ايمن
ربما العبارات والحكم المكتوبة علي التكاتك تعبر عن ما بداخل كاتبها فهناك كتابات تشير للحسد وغيرها للنفاق والنساء ومنها دعابات تشير لقارئها
الواقع نيوز رصدت اهم العبارات والحكم المكتوبه علي التكاتك المصرية بالرغم من وجود المئات من العبارات ولكن لم نتمكن من رصد الآلاف من الحكم
ومن أهم العبارات المكتوبه
اللي نكشني وندب يستحمل مني قلة الأدب
طول ما انتا اسد في مكانك عمر الخرفان ما تاخد مكانك
انا اللي يشتغلني ازعله مني
اللي عك وتاب احسن من اللي كبر وخاب
رضا الوالدين اهم من ابوك وامك
تاخدوا كام وتبطلوا كلام
متجيش علي الرايق عشان بيدايق
الصاحب الهلس لابد ياخذ درس
المشي البطال ياما وقع ابطالمتجريش ورايا اختك مش معايابدل ما تبصلها هات جردل واغسلها
الرجوله ملهاش قطع غيار
اللي عامل جدع وسطيكو .. اتكلم على كل واحد فيكو
معدش فيها صالح الدنيا كلها مصالح
كل عيد والاندال بعيد
انا نصحتك وانت براحتك
خف حبه تزيد محبه
اللى فاكر انى لسه طيب كل سنه وهو طيب
ماتبصش لعجلها عشان ماتجيبش اجلها
حب هان وصاحب خان ودنيا ملهاش امان
حكها عشان احطك تحتها
لو الأصول مش علي هواك يبقى خسارة المشي معاك
ثابت وسط ناس خابت
طول منا فيها انت ملكش فيها
كنت عصفور اكلوني عملت اسد صاحبوني
ا تعاتب العايب ولا ترقع فالدايب
لو كان الدنيا فيها خير مكنوش ربطوا الكوبايه في الكولدير
توكتوك يلمني ولا كفيل يذلني
كل ما تاكلك تزيد مشاكلك
يا عالم بالحال الحلوه بختها مال
طول ما التلاجه محتاجه اشتغل اي حاجه
السمكه ركبت ع الحوت والهلفوت عمل مظبوط
